Be Manis

結婚當日我有兩個花球，一個係紅色tone既用黎出門， 一個係粉色系花球用黎註冊用。 粉色系花球係o係lemongrass訂， 佢地用既花種同顏色都好符合我要求，而且碎花有好多。 唔知以為係一個小花球呢！ 另一個出門花球係我姊妹親自買花材紮黎送比我既。 當日一唔用個花球我就會將佢放返入水樽， 所以整日都keep得好好。 又因為係鮮花，保質期大約得3日， 好想將留住佢最靚既一刻， 所以婚後當頓好晒物資就開始將鮮花吊起做乾花喇！ 三日後鮮花既情況。 整乾花有三種方法： 1.倒吊法  將花材掛係陰涼通風既地方，等佢自然風乾。 2.平鋪法 將花材直接鋪係廚房紙上面，等佢自然風乾。 3.乾燥劑做永生花 將花材一層層鋪好，加入乾燥劑等佢完全乾透再取出， 用乾燥劑可以保留鮮花原本既顏免及外貌。 4.印壓式 可以將花材既花瓣放係報紙與報紙中間，再用書壓住佢，等佢完全乾透再取出。 我揀左用倒吊方法，點解唔成紮鮮花倒吊風乾？ 因為花球入面有某D品種水份太高，唔適合做乾花。 而且有D花好易甩花瓣，紮住花既位置亦都好濕， 就咁風乾入面會好易發霉，咁成紮花就前功盡廢架喇！ 倒吊後情況。 成為我新居既特式花牆。 等左大約一個星期就完成喇，乾花紮起又有另一種美！ About me 由一個不知b2b是什麼意思到發現解讀為Bride to be的普通blogger。 有關婚禮， DIY， 美容， 生活點滴既小 分享。 不段成長學習中⋯⋯ Please follow Esdlife Blog:  http://wow.esdlife.com/space.php?uid=87788 Facebook:  https://www.facebook.com/profile.php?id=100008389007016 Inbox for any enquiry!

承接 上回（ CLICK ），今次講埋 喜帖入面既內容。 婚禮其中一樣高深學問係要學識點樣稱呼長輩！ 因為傳統既長輩比較著重禮節，所以由喜帖封面到內容既字都要好小心。 傳統帖都會係以雙方父母名義發出，所以記得寫帖既封面時既稱謂唔好錯喇！ 中式喜帖內文 傳統 中式喜帖內文：由上至下，右至左打直寫。 但其實打橫寫都可以既， 以下係我做既sample比大家睇： 西式喜帖內文 上款 方法一 Together with their parents  (Bride name)   &   (Broom name)  request the honor of your presence at their marriage 方法二 Mr. and Mrs.  (Groom's parents name)  & Mr. and Mrs.  (Bride's parents name) request the honor of your presence at the marriage of their children (Bride name)  &  (Broom name)  日期、地址 下款 證婚 |  (time)  Civil ceremony 恭候  |  (time)    Reception 晚宴  |  (time)  Dinner 我集合左常見問題係度fyi~ Q1.點解中式喜帖有兩個日子？ 喜帖分別會用公曆同 農曆寫上婚期，一個係 公 曆 ，另一個係 農曆。 公 曆   又稱陽曆、西曆、新曆。係1912年開始o係中國正式採用取代 農曆。 農曆   又稱陰曆、夏曆，係中國傳統曆法。始於夏朝，o係以月球繞地球一周為一月，十二月為一年，月亮號為太陰。 雖然我地平時用既係 公曆，但中國傳統日子都係以農曆黎計算，所以喜帖一般都要寫埋農曆上去。 農曆唔需要自己計的，因為有上網年曆轉換，好用網址： CLICK Q2. 家中排明應該點寫？ 原來排名係男還男計，女還女計， 詳細睇下面個表會一清二楚～

玩兄弟環節可以話係出門中又興奮又期待既事，但又係令我R爆頭既其中一項!! 點解要玩遊戲？ 玩遊戲其實係寓意想新郎過五關斬六障先可以娶老婆返屋企。 之前唔明點解當日咁忙仲要玩遊戲， 遊戲又冇意思， 甚至覺得扮鬼扮馬好似做小丑咁⋯⋯ 但諗深一層，其實呢個時段係兄弟同姊妹最多交流既時間， 又可以增加現場氣氛及拍攝效果， 當日大家輕鬆下玩下其實都 冇壞既！ 預幾多時間？ 通常rundown都會排到好緊密， 加上要就吉時出門， 一個遊戲大約5分鐘左右，玩30-45分鐘已經好足夠。 記得要搵一位姊妹做time keeper，過時就要cut遊戲喇！ 遊戲底線 玩兄弟既遊戲可以好噁心、玩到好盡， 但其實遊戲尺度係點係自己可以控制既。 諗遊戲個陣，不妨將個遊戲自己玩一次， 你會唔會感到 受 侮辱、 唔舒服或反感呢？ 如果有就係過左底線架喇！ 被ban既遊戲 食芥辣、辣椒油飲料  》 會肚痛 食昆蟲  》 核突 奶朱古力尿片  》 噁心 用腳夾麻將  》 唔想見到兄弟既腳指 邊個安排遊戲？ 我係一個咩都要知要理既人， 所以 遊戲係我 同姊妹一齊brainstorm同決定。 結婚當日我同佢地相隔一對門冇得參與，如果事前唔知玩咩， 之後睇返見到唔想見既野就冇得補救架喇！ 要求 有意義、美觀唔核突，時間唔會太長， 遊戲有連貫性。 之前搜集返黎既入圍遊戲 搵新娘既五官拼返一齊 扮公仔動作 問有關新人既問題（紀念日、第一次邊間餐廳食飯、邊度拖手錫錫、睇既戲等等） 食百力枝計長度 日本酸蘿白砌愛字 蘋果咬英文名 同姊妹們開會後，就選定左幾個遊戲，咁就要開始買道具同整 好吸晴既遊戲卡！ 遊戲一：「熱身」（5分鐘） 道具：  貓爪 cost $280 為左攝影師 易拍， 熱身 選擇左跳舞， 跳舞拍出黎最有氣氛～ 我唔鐘意兄弟著草裙舞、肚兜、美少女戰士既cosplay服裝， 所以揀左款貓爪比兄弟跳舞，效果比相象好，好靚呀！ 玩完仲可以晚上拎上photobooth比賓客影相 遊戲二：「拆禮物」（30秒） 道具：夾夾、盒及包裝紙 $50 因為