♡囍♡ Vol.039 $680/月做灰姑娘・無限次數任租名牌裙
煩完便服( 上回CLICK ) 又開始煩晚裝,因為我唔想全日著住件婚紗, 所以決定租或者買一件晚裝裙。 我上過淘寶望過,自己鐘意既都要 ¥600- ¥1200 , 唔捨得買,覺得係買都買婚紗啦,學咩人無啦啦買 晚裝 著一次又冇用實在好浪費。 其實之前已經知道有間公司o係 香港 首創 搞租名牌裙架喇, 但佢就係前幾個月開發左一個計劃, 就係$680一個月任租! 即時覺得好吸引,一個月喎!任 租喎! 即刻心心眼! 所以我就係網上面揀裙喇!個網係YEECHOO.com 揀裙既條款係好簡單架啫, 就係一次單內唔超過$680就唔駛收費,超過補差價就得! 還左先可以再借另一單。 當然我事前睇過$680係咪真係有我岩既款先喇⋯⋯ 款式唔少架, 有D 仲只不過係 $80⋯⋯$80 有埋洗裙服務,係邊到搵? 版面好user-friendly,自己揀好心水既裙可以bookmark左先, 我主供係self portrait,鐘意佢款式比較fashionable 所以直接揀呢個牌子既裙去睇! 見到呢款剛好$680又岩心水 就落order 喇! Step 1. 揀碼數 如果唔清楚自己咩碼既可以睇size chart或者上佢地showroom試。 但留意佢地要比錢試身的,我建議都係唔好浪費D錢去試喇, 要試既話去LC、joyce入面搵同款試好過啦,因為佢地既裙都幾update, 全部都on seasonal,試完鐘意先上網落單又慳返試身費喇,哈哈 Step 2. 揀租借時段 有4日同8日選擇, 4日租借費當然平過8日 睇自己需要啦, 4日剛剛好岩晒我香港PW。 Step 3. Pick up selection 揀自己pick up or 專人當日送貨及借完當日收貨, 自己pick up唔駛加錢,送貨要加$200。 落左單之後,會有email confirmation 比我,前一日亦都有提示提我拎裙。 當日6:30pm 上到showroom,見到D 裙分晒顏色排晒出黎超靚,超整齊! 當日店內環境 fitting room就係右邊,好似有兩大格 fitting room