Be Manis

上回講到我o係韓國PW簽約前後既二十項問題 （ 重溫CLICK呢度 ） 有收到wow友話資料有用，好開心丫， 其實分享都係籌備結婚事既一種好好既回憶， 等我再努力D打， 識更多岩傾既b2bss！ 好，拿拿臨講埋韓國PW 試裙篇先～ 我join studio wonkyu 其中一個原因都係佢所包既婚紗店係 Rosa Sposa， 呢個牌子o係香港都有分店了，亦係數一數二既韓國手工婚紗店！ 個個鍾情韓國婚紗一定會去佢地既尖沙咀店到約free trial， 除左質地好，仲好欣賞佢地有得換外套呢個concept， 好似下面果兩張相影出黎兩個feel，其實係同一條裙黎架，可以點樣百變就要睇到最尾喇！ 呢張係我當日影散裙既其中兩張studio相 不過o係韓國試裙同其他港式婚紗店做法好唔同， 你係唔會望到有咩裙款，而佢地既職員身份就好似一個adviser， 佢會揀適合你身型既婚紗你試，你唔可以入去自己摸下、摷下有咩款架！ 呢樣有好有唔好啦，但其實我係想睇佢地有咩新款多D⋯ 唔知韓國既Rosa Sposa 係咪都有分PW 同big day 既裙， 因為我見同我同期去PW既wow 友同我試既款3條有2條都一樣， 講真有小小唔開心，因為我見佢房都有好多婚紗架， 冇理由咁岩我地都係適合呢幾款架嘛？ 當日試裙安排如下： 散裙3條選1條、 slim cut 3條選1條 、 color 2 條選1條 、 mini dress冇得試 選1條 試身室環境係咁的 一去到坐低會 問我地 飲咩， 可以叫coffee or tea， o係佢準備緊既時候 可以先睇下studio 影既相簿， 其實大部份都係wonkyu sample album， 睇完之後同 翻譯傾下自己想試咩款， 但好多款睇相簿的話係未必有，所以相簿只係當作參考， 溫馨提示： o係去之前，你要了解左你自己鐘意咩款先， 唔係到時er er er 就唔好啦。 Questions for yourselves: - 鐘意lace多d定紗 多d ? - 要唔要閃石? - 要心型胸／tube？ -  鐘意 typical 公主既ball gown定自然D既 aline?

一直對韓國有偏愛既我，第一輯既PW諗都冇諗就要係韓國影， 其實我今年 9月已經影完返黎啦，但係一直都冇分享， 係因為我 想 經歷晒由揀到後期執相過程先話比大家知我既感受 上回有講到我揀左邊間studio（ 上回分享CLICK ） 我諗有好多b2b對韓國影PW都好有興趣， 所以我寫呢篇分享文希望幫到大家解答我當時遇到既問題啦 疑團 一 ：約見studio  或去婚展 見面時要留意D咩呢？ 1.  睇其他客人既效果相 同現成既相簿 客人既效果相比較真實，另外相簿都分好多種，有啞身、令身， 要問清楚到時收既會唔會一樣。 2.  拍攝季節 去前記得已經plan 定邊個月份影，睇下會唔會就到季節花既時間， 櫻花、紅葉、落雪等等都係韓國必影既特式季節，香港影唔到架！ 同埋預留至少半年前去影丫！ 3.  室內場景問題 因為韓國update 場景都幾密，盡可能問佢地系列會唔會有 update， 如果你一年前訂既話，好多都會出左新版本， 有機會影個陣場景已經拆走。 4.  額外折扣 簽約前請傾好佢地額外會送咩比你， 好似介紹人會唔會多一晚住宿、現金 折扣 、送相 簿等等 通常join agent 會有介紹人既優惠，只要一經介紹可以兩邊都有優惠， 婚展期間特別多wow友會上網召集一齊R 盡著數！ ＊＊注意： 婚展時 留意 佢地既facebook， 留電話比佢地，到場聯絡就可以 帶有興趣既b2b入場。 如果撞唔正 婚展期 就要上佢地既工作室會面啦。 疑團二：當地既 韓國 藉攝影師 係點架？ 通常 join studio 既韓 藉攝影師 係一條龍服務， 佢地唔會有後期製作既修圖員， 即係邊個幫你影，就係邊個幫你做後期， 後期製作我覺得比較仔細，好著重美 肌瘦身 其實我早期join 既時候以為係開呢間studio 既攝影師幫我地影， 後來先發現佢地係一team 人， 原來一間studio 係有好多位韓國藉既攝影師， 如果studio分好幾個系列， 一位 韓 藉攝影師就會跟1-2個 系列。 攝影師性格對成輯相好重要，有的性格比較有趣、也有嚴格的， 但係冇得揀指定要邊個既，所以都要睇彩數啦。