Be Manis

2017年係好年，雙春兼潤月， 所以我同黃生一早已經共識左呢一年會結婚！ 因為自己冇宗教信仰，家人信基督教，所以吉日我既要求係： ۰ 星期六或日 ۰ 唔好係紅日 ۰ 唔好撞清明節，鬼節月份 ۰ 唔會沖自己同家人生肖 通常早咁多時間準備（一年多），未咁快有出通勝， 我自己冇選擇去黃大仙揀日子，只係 靠網上去揀日子。 我用左幾個網做參考： 1.  http://www.cidianwang.com/nongli/yijiaqu/2017.htm 2.   http://www.371love.com/smedia/zhuanti_t/wedding-good-day/ 3.  http://www.d1xz.net/rili/jiri/art118258.aspx 4.  http://ecal.click108.com.tw/luckysearch.php 我地打算係酒店擺，定左日子之後就開始睇婚宴場地地點係尖沙咀附近。 一開頭當然係網上做research，咁岩比我發現到W Hotel 星期六做婚宴資詢日， 所以就踏出左我地第一次⋯去左睇場喇！ **後來發現酒店都會間唔時擺open day，撞唔正開放日可以等婚展， 通常都會有擺攤位同有婚展offer架！ 1. W Hotel 因為婚宴資詢日，所以佢地已經set 好晒一圍圍既檯， 打晒燈同埋有個證婚既corner！ 去之前都有做下功課，知道W hotel個態佢係L字型⋯⋯ 2016年價fyi 最低消費係380K，一圍 $13888 + $2900 酒水再加一 包 tesla 花車，cupcake tower(not wedding cake) 一晚酒店房間出門用，檯既鮮花佈置及12個泊車車位等等⋯ 參觀後感： 其實如果擺圍數小可以唔駛做L字型， 資詢當日 就set 左15圍左右，個廳都好四正。 但當我見到新娘房個陣真係好失望⋯⋯ 第一. 係婚宴既上一層, 如果換幾次衫就要上上落落 第二. 冇獨立廁所 第三. 冇全身鏡.半身鏡都冇... 第四. 得幾塊panel 圍住比新娘換衫

拍拖拍左9年，舊年年中有計劃過大家既人生計劃喇！ 我地仲一系列咁列出晒來年計劃既timeline， 雖然成日覺得 寫得出、未做到 ，但2016年1月第一步慢慢開始喇！ 「求婚是拍拖的結尾，婚姻的開始。」 第一樣講既唔係求婚，而係我既求婚戒指， 係咪覺得點解我有份參與求婚戒指既環節呢？ 因為我唔想佢係出面就咁買一隻現成， 一黎貴， 二黎大舖價錢比自己簡石再鑲既仲要貴！ 我寧願自己花多少少時間去簡一隻自己鐘意既鑽戒喇！ 一開頭做左好多research， 呢度係D資料，雖然最後冇係網站度買， 但呢幾間係我搵到比實體店平同有平評既網站， 同大家分享下先！ 1. jamesallen.com 網站介面超好，有晒gia同埋粒石既真身360放大任睇。 價錢唔貴，我覺得都幾多選擇！ 戒托最平千幾一隻，仲有得laser服務，可 以刻自己喜歡既字係戒指入面呢！ cons:要ship過黎香港，冇得享用免費退貨服務，鑲功較香港貴。 2. www.bluenile.com 同樣都係有得簡石同鑲既網站，但呢間得數據冇實拍睇， 但都有gia cert 睇既！ 戒托方面都有好多選擇，我有睇過佢D 碎石款，好清好靚呢！ 3. http://www.diamania.com.hk 香港網站，都係冇實指， 鑽石全部以列表方式顯示， 價錢同外國網站差唔多，鑲功相對比較平。 Cons: 冇證書提供上網閱覽 About me 由一個不知b2b是什麼意思到發現解讀為Bride to be的普通blogger。 有關婚禮， DIY， 美容， 生活點滴既小 分享。 不段成長學習中⋯⋯ Please follow Esdlife Blog:  http://wow.esdlife.com/space.php?uid=87788 Facebook:  https://www.facebook.com/profile.php?id=100008389007016 Inbox for any enquiry!