♡囍♡ Vol.054 收禮物・100分閃爆鑽石耳環

今年係我既last single birthday，傾掂左可以自選一份禮物！
好多年都冇收過大禮既我自收到求婚戒指後就心郁郁想要一對耳環架喇！
而男人嘛，通常都唔識分咩係靚石⋯
為免佢自己買完比我鬧買貴左，所以我係會自己揀埋既！
呢篇我覺得應該要forward比男仔睇，因為佢地識揀鑽石我地受惠，哈哈哈！

實不相暪，求婚戒指粒石都係搵我做鑽石買賣既朋友幫手，
從佢身上我學到點樣揀低色都可以顯白既秘訣～而加先講下點揀靚石先啦！

鑽石除左最普遍既白色，另外有粉鑽，但就較⋯⋯真貴。（珍貴）


一講鑽石當然就係要提及GIA證書



咩係GIA？
GIA全名係「Gemological Institute of America」，
佢係負責評定鑽石既標準，而且受到廣泛認可既鑽石認證單位。

佢地分左4C為標準準則，
COLOR、CLARITY、CUT、CARAT：

1. 成色 COLOR
成色係由D－Z既，下面張圖解釋一切啦。

個人認為J以上既係好透切，
如果揀K下以既可以睇粒石既螢光反應，唔明再睇落去喇！

2. 淨度 CLARITY
淨度係分由FL至I3，即係鑽石既瑕疵程度。
證書入面1卡以上會列出瑕疵位置，1卡以下只會列出名稱，

以下就係佢地專業名稱

基本下，VS2以上既瑕疵顯微鏡下先會見到，到SI2就肉眼都見到。
SI2 Clarity 既鑽石

3. 切割 CUT

鑽石切割得岩比例先可以令光線反射，做就到粒石閃閃生光。

上圖見到SHALLOW同DEEP既切割o係太陽光下反彈唔返光線上黎，
IDEAL切割就可以直線反射。

以前成日聽人講八心八箭，其實都係一種鑽石既切割技術。
係證書上有三項：CUT GRADE、POLISH、SYMMETRY
呢三項如果都係EXCELLENT（行內稱3EX）即係切割完美最閃架喇！

4. 克拉 CARAT
其實睇靚石唔係用重量去衡量既，係要配合晒其餘既3C先為知一粒好石，
所以唔好以為大就貴呀，以下係大小對比圖參考。




螢光反應 FLUORESCENCE


證書上有一項螢光反應既報告，「螢光」係指鑽石係紫外光底下反射出黎既顏色，
顏色就代表人地稱既自然光或UV底下夠唔夠火喇！
火即係咩意思！？
通常人地話粒石好好火其實係指「鑽石綻放出既七彩自然色譜」

螢光分為五種，NONE、FAINT、MEDIUM、STRONG、VERY STRONG
如果你粒石既GRADE 揀左D至F，當然NONE先至夠白夠火喉。

** 揀低色又顯白秘訣：
如果你揀粒石係J以下既話，即係本身已經比較黃，識揀當然要揀係螢光反應下較強既石，粒石顯藍平衡返就會更顯白。 


－－－－－－－－－－



好，講完點揀石，當然講下去邊買啦！
先講唔同地方買既分別！

大型珠寶香港網舖外國網舖私人批發
鑽石 |冇單粒買賣 |有 |有 |有
GIA證書 |冇提供閱覽 |冇提供閱覽 |有提供閱覽 |有提供閱覽
現貨買賣 |較多 |有 |沒有 |較少
折扣 |會員有折扣 |沒有 |USD100off |比網站平D
其他服務 |冇代鑲
免費包改大細		 |有代鑲
七折收舊石		 |有代鑲
但較貴		 |有代鑲
可鑲牌子款

網上睇就睇得多，但實際行動永遠都一拖再拖⋯
所以好似買珍珠鏈一樣，我都係搵私人商家買（詳細珍珠BLOG）
因為貪佢私人較易話為，同埋重點係平過珠寶店同鑽石網站嘛！

我要求係
  • 40-50份
  • D色
  • VS2以上
  • 3EX
  • NONE
有次同鑽石買賣朋友傾開問佢有冇咩新石抵玩⋯
但因為1卡以下佢地都稱為「細石」有時可遇不可求，做耳環想要2粒差唔多既真係要慢慢搵⋯佢offer左幾粒都唔太岩心水，後來佢再向其他商家跟我要求再搵先搵到呢！

最後比左幾粒45份，VS1同VS2比我揀，
其間佢會比gia report我，我自己係網站check: CLICK
經過一輪口水同血水後就過數hold石，過數當日佢已經幫我拎左石喇！


見到呢張證書，好滿意好滿意，哈哈！！

因為打算鑲耳環，買完2粒裸石，接住就搵埋耳環款比我揀，

鑲大概要十日（唔包星期六及日）

登登，十日過後取貨喇～看圖不說話～佢現時得網上買賣，交收暫時係預約面交喇！

記得呀，揀冇螢光反應真係好重要架，要細小小都值。



另外，之前對比過外國同香港既鑽石買賣網站比大家參考埋！
網站介面超好，有晒gia同埋粒石既真身360放大任睇。
cons:要ship過黎香港，冇得享用免費退貨服務，鑲功較香港貴。

鑽石全部以列表方式顯示，但就冇gia提供，價錢同外國網站差唔多，鑲功相對唔貴。

希望大家都搵到自己粒靚石～

About me


由一個不知b2b是什麼意思到發現解讀為Bride to be的普通blogger。
有關婚禮，DIY，美容，生活點滴既小分享。
不段成長學習中⋯⋯



Please follow

Esdlife Blog: http://wow.esdlife.com/space.php?uid=87788

Facebook: https://www.facebook.com/profile.php?id=100008389007016

Inbox for any enquiry!

留言

張貼留言

這個網誌中的熱門文章

♡囍♡ Vol.004 美麗華酒店room tour・出門房間真係咁黑？

圖片
二月頭當我去約見攝影師，佢地異口同聲說如果美麗華出門會比較黑， 難影少少，由其係Mira 走廊，真係好黑⋯⋯ 其實未confirm場地個陣都聽過有呢個問題架喇，但直到經 攝影師口中講黑 即刻怯一怯， 所以我同黃生搵一日去美麗華走一轉，睇下出門房可唔可以揀間好光猛D冇咁黑架喇！ 佢地最普通既房係 suite 70/100，我地先睇左 suite 100先～ Suite 100 Suite 100很多顏色主題既， 綠色、紅色、紫色等等⋯ 我地個日參觀既係綠色，房入面空間好大 其實除左走廊，房入面唔算黑呢，但出面個景觀就麻麻地！ 設施齊全，有pantry，客廁，客廳同一張細台， 地下係深木色既，有小小舊式屋企既感覺。 但個張蛋型designer chair 好正，好鐘意呀！ 接住我地就參觀左terrance suite總共有8間，間間設計都唔一樣， 全部都有一個特點，就係 有露台，朝早會有陽光射入房，咁就唔怕黑啦！ Suite Eight 呢間露台都幾大， 幻想下個露台用來做after party都好正呀， 但我諗當晚應該冇咩閒情享用喇！ 唯一一樣唔好就係衣櫃好細，不過問左係可以借流動掛架既！ Grand suite 聽講金秀賢黎香港都係住呢間suite呢，哈哈！ 房比suite 8大，但廳相對係差唔多，露台仲要好細 但間房很多特色牆好靚，左邊盡頭有一張大台，有人會考慮係個度做室內證婚呢！ 右邊盡頭係衣帽間，又係超大，搞到我好似睇豪宅咁， 一邊睇一邊自言自語: 「好豪， 好豪，正呀」 睇左幾間之後，我地就confirm左suite 8喇！ 好野！又KO一樣！ About me 由一個不知b2b是什麼意思到發現解讀為Bride to be的普通blogger。 有關婚禮， DIY， 美容， 生活點滴既小 分享。 不段成長學習中⋯⋯ Please follow Esdlife Blog:  http://wow.esdlife....
閱讀完整內容

♡囍♡ Vol.061 中西有別：寫帖知識及派帖禮儀

圖片
承接 上回（ CLICK ），今次講埋 喜帖入面既內容。 婚禮其中一樣高深學問係要學識點樣稱呼長輩！ 因為傳統既長輩比較著重禮節，所以由喜帖封面到內容既字都要好小心。 傳統帖都會係以雙方父母名義發出，所以記得寫帖既封面時既稱謂唔好錯喇！ 中式喜帖內文 傳統 中式喜帖內文：由上至下，右至左打直寫。 但其實打橫寫都可以既， 以下係我做既sample比大家睇： 西式喜帖內文 上款 方法一 Together with their parents  (Bride name)   &   (Broom name)  request the honor of your presence at their marriage 方法二 Mr. and Mrs.  (Groom's parents name)  & Mr. and Mrs.  (Bride's parents name) request the honor of your presence at the marriage of their children (Bride name)  &  (Broom name)  日期、地址 下款 證婚 |  (time)  Civil ceremony 恭候  |  (time)    Reception 晚宴  |  (time)  Dinner 我集合左常見問題係度fyi~ Q1.點解中式喜帖有兩個日子？ 喜帖分別會用公曆同 農曆寫上婚期，一個係 公 曆 ，另一個係 農曆。 公 曆   又稱陽曆、西曆、新曆。係1912年開始o係中國正式採用取代 農曆。 農曆   又稱陰曆、夏曆，係中國傳統曆法。始於夏朝，o係以月球繞地球一周為一月，十二月為一年，月亮號為太陰。 雖然我地平時用既係 公曆，但中國傳統日子都係以農曆黎計算，所以...
閱讀完整內容

♡囍♡ Vol.003 睇到頭暈之尋找MUA

圖片
我諗簡MUA係我婚禮用得最多時間，亦都係感到 氣餒 既其中一個item喇⋯⋯ 經過我一輪瘋狂既researach 之後，發現熱門既一年前問都已經冇晒期⋯ 真係唔好低估b2b既威力，我已經係一年前開始準備， 點解可以咁快手會冇晒期架？ 好多b2b 搵MUA時都希望當日唔好太濃妝，主要係淡淡的就OK。 睇左好多個MUA同b2b婚禮既 妝 ， 我自己都係偏向簡約， 要求 -  眼妝唔鐘意睇落太濃一排 -  眉唔要太淺色 同畫得太粗 - 鮮花頭飾(唔駛 鑽石閃閃下或五顏六色個種) - 韓式髮型，鬆鬆地，有空氣感 - 不要粟米夾 預幾多錢？ MUA有平有貴，大約係7k-20k都有， 記得 價錢高唔代表適合自己架，所以記得試妝丫！ 點揀岩自己既MUA？ 睇多D佢既作品，我好鐘意MUA出job就post佢既作品出黎， 一黎了解多D佢既style，二黎佢係fb active既， 你會對佢更有信心！ 因為你confirm既時候可能係婚禮一年幾前，成年既時間係變數都好大， 睇下佢以往既post，留意下佢有冇進步 Rate card要留意有冇full day service，價錢包唔包鮮花？ OT收費幾多？ 轉妝快唔快？同佢岩傾嗎？ 下面既就係我覺得好既MUA，比大家參考下 The Look Wedding $18k－星級 Hoolala wedding production $15k －日系，但Joe冇full day service Nikocc Makeup   －自然 Annie G Chan  － 星級 Sayso Hair and Makeup  － 簡約但頭有d 鬆散 Makeup.fever －Simple  Ace Makeup $7.2k－ 妝化得幾sharp Kayley Bridal make up $10k －頭set 得好靚 Luscious wedding   $9k －自然 Karrie Yum Makeup － 較歐美style Chichi Makeup & Styling － wow人氣化妝師 Minas...
閱讀完整內容