♡囍♡ Vol.034 敏感肌必備・保濕精華同防曬噴霧試用報告！
秋風一起代表又係轉季時候，一轉季我就會遇到皮膚敏感既煩惱，
肌膚水份好唔穩定好易流失⋯⋯
肌膚水份好唔穩定好易流失⋯⋯
自己為開季衫補充之餘，千其唔好唔記得幫護膚品換季，
因為夏天用個set 係肯肯定唔夠保濕架。
由訂婚開始已經好怕皮膚會變差，加上籌備唔多唔少都有壓力，
有時無啦啦生一大粒間倉真係好崩潰！
所以護膚方面我係比前勤力超級多，因為我信「世上冇醜女人，只有懶女人」！
由於我既敏感好難斷尾，所以我次次揀護膚品時都會加陪小心，
我一定會睇清楚佢地所含有既成份先會買。
我要求係：低刺激性，無香料，無防腐劑，價錢親民
今次試呢個牌子岩晒我要求，佢係法國十大皮膚科醫生處方暢銷品牌之一
配方獲得超個40個國家的皮膚科醫生認可，產品仲有高濃度活性成分令我更加放心去用。
全部都係法國製造，剛剛登陸香港冇耐架咋！！
SVR Hydraliane Essence高效鎖水保濕精華液
HK$198/200ml
最近好鐘意用佢地呢枝保濕精華液，我用左一星期覺得好先分享比大家。
對我呢個敏感肌黎講，明顯睇得出肌膚水份冇之前咁唔穩定，滋潤同水嫩左。
樽身設計好方便銀色蓋有個洞，唔需要扭晒出黎扭小小就倒得呢～
我最buy 佢含有透明質酸複合物，而且係無酒精成份。
冇酒精成份又點？代表可以出動我部hitachi 既美容導入機去導入囉！
其實為左唔想導入左D唔好既野係皮膚，我之前搜羅左好多牌子既保濕精華液
發現原來唔少產品都會有酒精成份，當初好失望，因為可以導入既產品選擇真係唔多呢
呢枝精華液質感輕盈易滲透，好岩用導入機導入。
有時無酒精但質感太重部機會sense 唔到架，呢枝so far冇呢個問題。
首先睇下我落晒妝洗完臉既肌膚水份情況，下面個水份表可以用黎對照。
reference copy from web
水份值 38.9%，屬於普通肌
厚敷小貼士：唔用導入機既話用黎厚敷係可以敷5-10分鐘，
一樣有滋潤皮膚，唔會崩緊，feel 到迅速比皮膚吸收晒，鎖住水份既效果。
我既小方法係先倒落一個小樽仔，再放卸妝棉吸滿精華液，
咁樣會令棉吸得最多又唔會倒到周圍係呢～
上面係我試用第一日既情況，個陣我皮膚係有少少敏感，臉頰兩旁泛紅、乾癢。
我就係用佢黎厚敷，有鎮靜作用，會令我乾燥缺水位置日即時舒緩，
乾燥敏感肌膚人士真係要試試！
厚敷後既肌膚水份情況：水份值 46.9%，屬於潤肌。
隨後幾日我皮膚冇敏感，我就用一張cotton pad 倒滿精華液後用導入模式導入皮膚。
強度我選用：弱
將導入機由下而上慢慢移動。
方向點郁睇呢張圖比較清楚。
配用美容導入機後既肌膚水份情況。水份值 53.9%。
報告指用7日就有21既保濕效果，以上測試就係用左剛剛7日，
以頭先個水份表黎睇，屬於非常潤，水份升左兩級，好滿意丫！
價錢$198/200ml，法國醫學品牌黎計，算親民抵用！
總結，妙用精華液既4種方法
1. 基本功：用完爽膚水後
2. 敷完面膜後，用cotton pad倒精華液用拉提方式按摩抹全臉
3. 1-2星期一次用美容導入機導入
4. 敏感或特別乾燥時，用卸妝綿厚敷
分享完精華液，我都試左SVR另一個產品。
SVR Hydracid Mist Eclat SPF15光亮維他命C抗污染防曬噴霧
HK$228/50ml
由細到大媽咪就教我要做好防曬，因為佢話一白可以遮三醜。
呢句野我一直都放係心上面，所以我放假就會唔化妝，
如果有約會，就算唔 full make up我都會搽足防曬先出街既！
好多人話25歲之後皮膚開始會冇咁好，就係因為人既透明質酸會慢慢流失！
30歲只係剩返細個時既65%，60歲就25%，
所以我地由而加起唔簡只要keep住咁簡單，仲係要學識點樣凍齡！
呢枝防曬噴霧除左減淡色素，仲含有維他命 C+ 透明質酸可以加速膠原增生，
防曬噴霧添加護膚成份喎，同時做埋護膚呢樣野真係加晒分！
呢枝防曬噴霧夠方便，細細枝可以放係手袋隨時補妝。
茶花防曬系數+SPF15，噴出黎質地好清爽，完全冇黐笠笠既感覺。
我將SVR 防曬噴霧噴係手，係半透明既，
一輕拍就吸收左，我用吸油紙印過隻手，清爽冇油笠笠。
我當日早上11:00 出門口，晚上11:00 返到屋企，
足足用左12個鐘，但都仲keep 到冇點溶妝
13:00 中午去試PW裙時影既，塊臉唔油但有光澤。
20:00 晚上出席家姐生日飯，只係補左唇彩，冇甩妝情況望落都仲好精神。
《早上及晚上效果圖》
揀防曬產品小貼士：大家揀防曬個陣要留意產品SPF 前面有冇PA值分+呀，
如果只係標示SPA係對抗唔到UVA架，PA+ 先至代表可以抵擋UVA大概4小時，
++ 就加一陪時間如此類推。
使用小貼士：呢枝防曬噴霧教學係話要合埋眼、口距離20cm 噴落塊面，
但我覺得都可以先噴係手上再輕拍上臉，補妝先至用噴霧方式上。
防曬噴霧價錢係$228/50ml，價錢可以接受，
但因為噴霧我自己比較小用，
但如果參加戶外活動既話，噴霧用黎補妝真係好方便。
平時返工唔係出戶外活動既時候，我會考慮下入購佢地既鎖水保濕bb cream，
有SPF 30-PS+++，$206/40ml
足夠應付有餘啦！
最後，除左護膚既幫助，
生活上記住最簡單既theroy：多飲水、多做運動、唔好食煙
有機會再分享～
＊＊＊以上分享係純個人體驗感受，每個人皮膚體質唔同，要試過先知適合自己架＊＊＊
SVR全部系列屈臣氏有得賣，下面係門市資料：
希望你同敏感say bye bye la~^^
About me
由一個不知b2b是什麼意思到發現解讀為Bride to be的普通blogger。
有關婚禮，DIY，美容，生活點滴既小分享。
不段成長學習中⋯⋯
Please follow
由一個不知b2b是什麼意思到發現解讀為Bride to be的普通blogger。
有關婚禮，DIY，美容，生活點滴既小分享。
不段成長學習中⋯⋯
Please follow
Esdlife Blog: http://wow.esdlife.com/space.php?uid=87788
Facebook: https://www.facebook.com/profile.php?id=100008389007016
Inbox for any enquiry!
留言
張貼留言